25_0271 Atxilotu bat eta lau ikertu Donostian borroka batean parte hartzeagatik
Atxilotu bat eta lau ikertu Donostian borroka batean parte hartzeagatik
Servicio de prensa
2025-04-19
Ertzaintzako agenteek 28 urteko gizon bat atxilotu dute gaur, larunbata, goizaldean, eta beste lau ikertu ditu, Gipuzkoako hiriburuan izandako borroka batean nahastuta egoteagatik. Polizia-patruilek labana bat eta artazi batzuk konfiskatu dituzte.
Goizaldeko ordu biak baino lehentxeago, herritarrak babesteko lanetan ari ziren Ertzaintzako zenbait agente Amara Berri auzora joan dira, arma zuriekin hainbat pertsona borrokan ari zirela jakinarazi dietelako. Karlos I.a kalearen parean, patruilek bi gizon ikusi dituzte, bata makila batekin eta bestea aizto batekin, elkarri eraso egiten. Poliziaren presentziaz ohartzean, lehena han geratu da geldirik, eta arma zuriaren eramaileak korrika ihes egin du. Handik gertu geldiarazi dute, pertsekuzio baten ondoren. Pertsekuzio horretan, aiztoak eta guraizeak bota egin ditu. Identifikatu ondoren, atxilotu egin dute liskar iskanbilatsuaren delitu batengatik.
Bigarrenari eta beste hiru gizoni (guztiak 25 eta 37 urte bitartekoak) eginbideak ireki zaizkie, borroka horretan parte hartu izana ikertu ahal izateko.