24_0247 Bilbo, gazte bat atxilotu dute beste bati kristalezko botila batekin lesioak eragiteagatik
Bilbo, gazte bat atxilotu dute beste bati kristalezko botila batekin lesioak eragiteagatik
Prentsa zerbitzua
2024-04-28
Ertzaintzako agenteek 19 urteko gazte bat atxilotu dute gaur goizaldean Bilbon, beste pertsona bati botila batekin egindako ebakiengatik lesio-delitu bat egotzita. Polizia-patruilak tornikete bat egin dio beso batean zaurituari, odoljarioagatik. Anbulantzian eraman dute ospitalera.
Bilboko ertzain-etxeko Herritarren Babeserako ertzainek gaur, igandea, 03:00etan gazte talde bat ikusi dute zauritutako pertsona baten ondoan, Indautxu auzoko Eguillor plazan.
Agenteek eskuineko besoan zauri sakona zuela ikusi dute biktima, eta tornikete bat egin diote odoljarioa gelditzen saiatzeko, osasun-laguntza iritsi arte.
Bertan bildutako datuen arabera, kristalezko botila hautsi batekin gertatu zen erasoa. Handik gertu, ertzainek lesioen ustezko egilea identifikatu eta atxilotu dute, eta hark ere hainbat ebaki zituen eskuetan. Zauritutako gaztea eta atxilotua ospitalera eraman dituzte.
Polizia-atestatuaren izapideak amaitutakoan, atxilotua Bilboko Guardiako Epaitegiaren esku utziko dute.