24_0681 Ertzaintzak José Luis González Villanueva eta Iñaki Mendiluze Etxeberria, 1995ean Itsasondon hil zituzten agenteak omendu ditu
Ertzaintzak José Luis González Villanueva eta Iñaki Mendiluze Etxeberria, 1995ean Itsasondon hil zituzten agenteak omendu ditu
Prentsa Zerbitzua
2024-12-10
Ertzaintzak Jose Luis Gonzalez Villanueva eta Iñaki Mendiluze Etxeberria ertzainak oroitzeko ekitaldia egin du gaur eguerdian Beasainen, atentatua izan zenetik 29 urte bete direnean. Bertan izan dira Ertzaintzako zuzendari Victoria Landa, Ertzaintzako buru Josu Bujanda, beste agintari, lankide ertzain eta familiaren ordezkaritza batekin batera.
Ekitaldia Beasaingo ertzain-etxearen kanpoaldean dagoen ETA talde terroristak hildako ertzainen omenezko monolitoaren ondoan egin da. Bertan, lore-eskaintza egin da eta minutu bateko isilunea egin da.
Oroimen-ekitaldia Ertzaintzaren unitate eta polizia-zentro guztietan ere egin dute gaur eguerdian, eta minutu bateko isilunea egin dute bi agenteen oroimenez.
Iñaki Mendiluze Etxeberria eta José Luis González Villanueva 1995eko abenduaren 10ean hil zituzten Itsasondon, Gipuzkoako udalerriko baserri batetik gertu, hainbat tiro jaso zituzten bizkarretik.
15 agente hil zituen ETAk
Ertzaintzako 15 agente hil zituen ETAk 1985etik 2001era bitartean:
- Carlos Díaz Arcocha (1985).
- Genaro García de Andoain Larrinaga (1986).
- Juan José Pacheco Cano (1988).
- Luis Hortelano García (1989).
- Alfonso Mentxaka Lejona (1991).
- Joseba Goikoetxea Asla (1993).
- José Luis González Villanueva (1995).
- Iñaki Mendiluze Etxeberria (1995).
- Ramón Doral Trabadelo (1996).
- José María Aguirre Larraona (1997).
- Jorge Díez Elorza (2000).
- Mikel Uribe Aurkia (2001).
- Iñaki Totorika Vega (2001).
- Javier Mijangos Martínez de Bujo (2001).
- Ana Isabel Arostegui Legarreta (2001).