24_0701 Adingabe bat atxilotu dute Bilbon, beste gazte bati hankan sastada bat emateagatik
Biktima larri zaurituta eraman zuten ospitalera
Adingabe bat atxilotu dute Bilbon, beste gazte bati hankan sastada bat emateagatik
Prentsa Zerbitzua
2024-12-20
Ertzaintzak adingabe bat atxilotu zuen atzo gauean Bizkaiko hiriburuan, arma zuriz egindako lesio-delitu bat egotzita. Biktimak zuen lesioaren larritasuna zela eta, agente batek tornikete bat egin zion osasun-langileak iritsi eta ospitalera eraman zuten arte.
Erasoa atzo, osteguna, gaueko hamar eta erdiak baino lehentxeago gertatu zen, Bilboko Larraskitu auzoan. Ikertzen ari diren arrazoiengatik, 15 urteko adingabe batek beste gazte bati labankada bat eman zion hankan, eta odoljario larria eragin zion.
Lekukoek gertatutakoaren berri eman ondoren, bertaratutako ertzainek biktimari tornikete bat egin zioten odoljarioa geldiarazteko. Handik gutxira, osasun-langileek ospitalera eraman zuten eta ebakuntza egin behar izan zioten.
Bien bitartean, Ertzaintzako beste agente batzuek inguruak miatu zituzten erasoaren ustezko egilea aurkitzeko, eta, azkenean, haren etxean atxilotu zuten. Atxilotua ertzain-etxera eraman zuten, eta gaur goizeko lehen orduan Adingabeen Fiskaltzaren esku utzi dute.