Lurralde Kohesioak 799.671 eurorekin finantzatzen du Esako zeharbidearen egokitzapena, NA-5410 errepidearekiko elkargunean glorieta bat eta 56 aparkaleku berri barne hartzen dituena

Oscar Chivite Nafarroako Gobernuko Lurralde Kohesiorako kontseilariak eta Roberto Martínez Esako alkateak Esako NA-2420 zeharbidea egokitzeko lankidetza-hitzarmena sinatu dute. Esku-hartzeak 1.344.863 euroko aurrekontua du; horietatik 522.661 euro Herri Lan eta Azpiegituren Zuzendaritza Nagusiak jarriko ditu, 277.010 euro Toki Administrazioaren eta Despopulazioaren Zuzendaritza Nagusiak, eta gainerakoa (545.191 euro) Esako Udalak jarriko du.