25_0253Arabako espetxean haxixa sartzen saiatzeagatik atxilotu dute
Arabako espetxean haxixa sartzen saiatzeagatik atxilotu dute
Servicio de prensa
2025-04-11
Ertzaintzak emakume bat atxilotu du, preso bat bisitatzera joan zenean Zaballako espetxera 100 gramo haxixekin sartzen saiatzeagatik.
Arabako espetxean sarrerako kontrolaz arduratzen diren Espetxe Erakundeetako funtzionarioek atzo, osteguna, ikusi zuten preso bat bisitatzera zihoan emakume batek haxixa, 130 gramo inguru, zuten plastikozko bi biribilki zeramatzala besaurrean erantsita. Horren aurrean, espetxeko segurtasunaz arduratzen diren Ertzaintzako baliabideei eman zieten abisua, eta horiek egin ziren susmagarriaren kargu.
Jarraian, bisitetako armairuetako bat, pertsona horrek bere gauzak gordeta zituena, aztertu zuten, eta 2 gramo speed inguru zituen bilgarri bat aurkitu zuten.
Atxilotuak, polizia-aurrekariak dituen 56 urteko emakumeak, datozen egunotan agertu beharko du epailearen aurrera.